मुलुक चुनावी सरगर्मीमा छ, देशमा संघात्मक शासन प्रणाली लागू भएपश्चात् दोस्रोपटक भोलि स्थानीय तहको निर्वाचन हुँदैछ । निर्वाचनको अन्तिम तयारी सकिएसँगै अस्ति मध्यरातबाट मौनअवधि सुरु भएको छ । निर्वाचन नागरिकले आफ्ना प्रतिनिधि स्वविवेकले छान्न पाउने लोकतान्त्रिक प्रणाली हो । तर, ठिटलाग्दो कुरा स्थानीय तहको चुनाव केन्द्रबाट निर्धारित शक्ति सन्तुलन र भागबण्डाको आधारमा गरिँदैछ । स्थानीय तहमा राजनैतिक दलका उमेदवार उठाइनु स्वाभाविक हो तर, स्थानीय तहमा केन्द्रीय राजनीतिको कालोमैलो हस्तक्षेप वास्तवमै संघीयताको मर्मविपरीत छ ।
